🟠 ਸੋਸ਼ਲ ਮੀਡੀਆ ਪਲੇਟਫਾਰਮ X ਦਿਨ 'ਚ ਦੋ ਵਾਰ ਹੋਇਆ ਡਾਊਨ

ਨਵੀਂ ਦਿੱਲੀ- ਐਲੋਨ ਮਸਕ ਦਾ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ (ਪਹਿਲਾਂ ਟਵਿੱਟਰ ਵਜੋਂ ਜਾਣਿਆ ਜਾਂਦਾ ਸੀ) ਸੋਮਵਾਰ ਨੂੰ ਦੋ ਵਾਰ ਡਾਊਨ ਹੋਇਆ ਸੀ। ਇਸ ਨਾਲ ਦੁਨੀਆ ਭਰ ਦੇ ਉਪਭੋਗਤਾਵਾਂ ਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ।ਪਹਿਲੀ ਵਾਰ ਦੁਪਹਿਰ 3:30 ਵਜੇ ਦੇ ਕਰੀਬ ਅੱਧਾ ਘੰਟਾ ਡਾਊਨ ਹੋਇਆ । ਇਸ ਤੋਂ ਬਾਅਦ ਸ਼ਾਮ 7 ਵਜੇ ਤੋਂ ਬਾਅਦ ਇਕ ਘੰਟੇ ਲਈ ਇਹ ਬੰਦ ਰਿਹਾ। ਉਪਭੋਗਤਾਵਾਂ ਨੇ ਵੈਬਸਾਈਟ, ਐਪ ਅਤੇ ਸਰਵਰ ਕਨੈਕਸ਼ਨ ਬਾਰੇ ਸ਼ਿਕਾਇਤ ਕੀਤੀ।

ਵੈੱਬਸਾਈਟ ਡਾਊਨ ਡਿਟੈਕਟਰ 'ਤੇ ਦਿਨ ਭਰ ਭਾਰਤ ਤੋਂ 3000 ਤੋਂ ਵੱਧ, ਅਮਰੀਕਾ ਤੋਂ 18,000 ਅਤੇ ਯੂਕੇ ਤੋਂ 10,000 ਸ਼ਿਕਾਇਤਾਂ ਦਰਜ ਕੀਤੀਆਂ ਗਈਆਂ।downdetector.in ਇੱਕ ਪਲੇਟਫਾਰਮ ਹੈ ਜੋ ਰੀਅਲ ਟਾਈਮ ਵਿੱਚ ਵੈਬਸਾਈਟਾਂ ਅਤੇ ਔਨਲਾਈਨ ਸੇਵਾਵਾਂ ਦੇ ਆਊਟੇਜ ਜਾਂ ਸਮੱਸਿਆਵਾਂ ਨੂੰ ਟਰੈਕ ਕਰਦਾ ਹੈ।Downdetector ਦੇ ਅਨੁਸਾਰ, ਲਗਭਗ 41% ਲੋਕਾਂ ਨੂੰ ਐਪ ਨਾਲ ਸਮੱਸਿਆਵਾਂ ਆ ਰਹੀਆਂ ਹਨ। ਜਦੋਂ ਕਿ 53% ਲੋਕਾਂ ਨੂੰ ਵੈੱਬ ਐਕਸੈਸ ਕਰਨ ਵਿੱਚ ਦਿੱਕਤ ਆ ਰਹੀ ਹੈ ਅਤੇ ਲਗਭਗ 6% ਨੇ ਕਿਹਾ ਹੈ ਕਿ ਉਹਨਾਂ ਨੂੰ ਸਰਵਰ ਕੁਨੈਕਸ਼ਨ ਵਿੱਚ ਸਮੱਸਿਆ ਆ ਰਹੀ ਹੈ।